స్పిరులినా అనేది ఒక రకమైన నీలం-ఆకుపచ్చ ఆల్గే, లేదా నాచు మొక్క. దీనిని ప్రజలు ఆహార పదార్ధంగా తీసుకోవచ్చు. అనేక పోషక పదార్ధాలు మరియు ఆరోగ్య ప్రయోజనాల వల్ల ప్రజలు స్పిరులినా అనే ఈ నాచు మొక్క ను సూపర్ ఫుడ్ గా భావిస్తారు. ఈ మొక్క అధికంగా మన దేశంలోనే ఉత్పత్తి జరుగుతున్న మన దేశ ప్రజలకు ఈ సూపర్ ఫుడ్ గురించి అవగాహన లేదు.
దీనిని ఆహారంగా తీసుకునేవారు కూడా చాలా తక్కువ మంది మాత్రమే ఉన్నారు. పోషకాహార లోపంతో బాధపడేవారు ఈ స్పిరులినా పొడిని రోజుకు నాలుగు గ్రాములు తీసుకుంటే శరీరానికి కావలసిన పోషకాలన్నీ పుష్కలంగా అందుతాయి. పదకొండు గ్రాములకు మించి ఒక రోజులో దీనిని తీసుకోకూడదు. స్పిరులినా పౌడర్, టాబ్లెట్లు రూపంలో అందుబాటులో ఉంటుంది.
స్పిరులినాలో అధిక ప్రోటీన్ మరియు విటమిన్స్ కంటెంట్ ఉంది, ఇది శాఖాహారం లేదా పాలు జంతు సంబంధ ఆహారం తీసుకోని ప్రజలకు అద్భుతమైన ఆహార పదార్ధంగా మారుతుంది. దీనిని తరుచు తీసుకోవడం వలన ఆరోగ్య ప్రయోజనాలతో పాటు జుట్టు, చర్మానికి కావలసిన ఎన్నో ప్రయోజనాలు అందుతాయి. జుట్టు పెరుగుదల, చర్మం కాంతివంతంగా తయారవుతుంది.
స్పిరులినాలో యాంటీఆక్సిడెంట్ మరియు ఇన్ఫ్లమేషన్-ఫైటింగ్ లక్షణాలు ఉన్నాయని, అలాగే రోగనిరోధక శక్తిని నియంత్రించడంలో సహాయపడే సామర్థ్యం ఉందని పరిశోధన నిరూపించింది. ఈ స్పిరులినా ఆహారంలో తీసుకోవడం వలన మనకు చేకూరే కొన్ని లాభాలు ఇక్కడ ఉన్నాయి. వాటి గురించి తెలుసుకుందాం.
- బరువు తగ్గడం
- గట్ ఆరోగ్యం
- డయాబెటిస్ నిర్వహణ
- రక్తపోటు
- కొలెస్ట్రాల్
- గుండె జబ్బుల ప్రమాదం
- జీవక్రియ రేటు
- అలెర్జీ లక్షణాలు
- మానసిక ఆరోగ్య
- పోషకాహర లోపం నివారించడం వంటి ప్రయోజనాలెన్నో ఉన్నాయి.
ప్రోటీన్ మరియు విటమిన్లు అధికంగా ఉంటుంది. ఎటువంటి దుష్ప్రభావాలు లేకుండా ప్రజల ఆహారంలో ప్రోటీన్ మరియు విటమిన్లను భర్తీ చేయడానికి స్పిరులినా తీసుకోవడం ఒక మార్గం.
ఎండబెట్టిన స్పిరులినాలో ఒక టేబుల్ స్పూన్ పొడి లేదా 7 గ్రాముల స్పిరులినా(గ్రా) కు 20 కేలరీలు ఉంటాయి 4.02 గ్రా ప్రోటీన్, 1.67 గ్రా కార్బోహైడ్రేట్స్, 0.54 గ్రా కొలెస్ట్రాల్, ఎముకలను బలంగా చేసే 8 మిల్లీగ్రాముల (mg) కాల్షియం, రక్తహీనత తగ్గించే ఇనుము 2 మి.గ్రా, 14 మి.గ్రా మెగ్నీషియం, 8 మి.గ్రా ఫాస్పరస్, 95 మి.గ్రా పొటాషియం, 73 మి.గ్రా సోడియం, 0.7 మి.గ్రా విటమిన్ సి పుష్కలంగా లభిస్తాయి.
ఇందులో థయామిన్, రిబోఫ్లేవిన్, నియాసిన్, ఫోలేట్ మరియు విటమిన్లు బి -6, ఎ, మరియు కె కూడా ఉంటాయి. ఇటువంటి సమతుల్య ఆహారంలో భాగంగా స్పిరులినా పొడి తీసుకోవడం వలన ఒక వ్యక్తి బాగా ఆరోగ్యంగా ఉండటానికి సహాయపడుతుంది.