ప్రతి ఒక్కరికి అందుబాటులో ఉండే అద్భుతమైన ఔషధగుణాలు ఉన్న మొక్క కలబంద. దీనిజిగురులా ఉండే గుజ్జును చాలా చర్మ, కేశ సౌందర్య చిట్కాలలో, క్రీములు, సౌందర్య సాధనాలలో ఉపయోగిస్తుంటారు. కానీ కొంచెం తేనెతో కలిపి శరీరం లోపలికి తీసుకోవడం వలన చాలా లాభాలుంటాయని అనేక పరిశోధనల్లో వెల్లడయింది. అవేంటో చూద్దాం.
- కలబందలో సాలిసిలిక్ ఆసిడ్, సినమోనిక్ ఆసిడ్లు, ఫినాల్స్ ఎక్కువగా ఉంటాయి. ఇవన్నీ యాంటీ బాక్టీరియల్, యాంటీ వైరల్, యాంటీ ఫంగల్గా ఉపయోగపడి అనేక వైరల్, బ్యాక్టీరియా, ఫంగల్ ఇన్ఫెక్షన్ల నుండి ఆరోగ్యాన్ని కాపాడుతుంది.
- అలోవెరాలో గిబ్రిలిన్ అనే కెమికల్ ఉండి దెబ్బలు, గాయాలపై పసుపు కలిపి రాస్తే కొలాజిన్, ఫైబరో బ్లాస్ట్లను పెంచి గాయాలను మాన్పుతుంది.
- సీ గ్లూకోసిల్ అనే కెమికల్ శరీరంలో ఇనఫ్లమేషన్ని తగ్గించడానికి బాగా ఉపయోగపడుతుంది. గాలి, నీరు, ఆహారం ద్వారా శరీరంలోకి చేరిన మలినాలను తొలగించడంలో యాంటీ ఇనఫ్లమేటర్లా పనిచేస్తుంది.
- అల్ప్రోజిన్ మన శరీరంలో రక్షణ వ్యవస్థను సరిగ్గా పనిచేయడంలో సహాయపడుతుంది. హైపర్ ఏక్టివా ఉన్న కణాలను, పనిచేయకుండా ఉన్న కణాలను సరిచేసి రోగనిరోధక శక్తిని పెంచుతుంది.
- యాంత్రోక్వినోన్స్ అనే కెమికల్ ఇది అలోవెరా తింటే జెల్ లా ఉండే గుజ్జు పేగులలో కదలికలు కలిగించి శుద్దిచేసి మలబద్దకం తగ్గిస్తుంది. అనేక ఉదర సంబంధ సమస్యలు రాకుండా చేస్తుంది.
- బ్రడీకైనేజ్ అనే ఎంజైమ్ వలన శరీరంలో క్రానిక్ ఇనఫ్లమేషన్ తగ్గించడానికి ఉపయోగపడుతుంది.
- అంతేకాకుండా కాన్సర్ కణాలను నిరోధిస్తుంది. కలబంద గుజ్జుని తినడంవలన నోటి ఆరోగ్యం మెరుగుపడుతుంది. అనేక దంత సమస్యలు రాకుండా చేస్తుంది.
- తాజా కలబంద తినడంవలన ఎముకలలో గుజ్జు తగ్గకుండా చేసి అనే ఎముక, కీళ్ళనొప్పులను తగ్గిస్తుంది. మధుమేహం,బరువు తగ్గడంలో కలబంద చాలా మంచి ఫలితాలు చూపినట్టు అనేక పరిశోధనలు తెలిపాయి.
- అలాగే హెర్పెస్, సోరియాసిస్ లాంటి చర్మసమస్యల చికిత్సలో చాలా బాగా పనిచేస్తుంది. కలబంద మంటలు దురదలు తగ్గిస్తుంది. కలబంద తరచూ వాడడం వలన ముఖంపై ముడతలు తగ్గించి వృద్ధాప్యలక్షణాలను ఆలస్యం చేస్తుంది.
- జుట్టుకు పెట్టడంవలన జుట్టు మృదువుగా మెరుస్తూ కనిపిస్తుంది. కలబందలో ఉండే యాంటీ ఫంగల్ గుణాలవలన చుండ్రు, జుట్టు రాలడం సమస్యలు తగ్గిస్తుంది.
మరింత సమాచారం కోసం ఈ వీడియో చూడండి