ఈ రోజుల్లో కీళ్ళనొప్పులు, కాళ్ళనొప్పులు అందరనీ వేధిస్తున్న సమస్య. కొందరికి ఒకకాలు మాత్రం విపరీతంగా నొప్పి వస్తూ ఉంటుంది. దీంతో కొద్ది కొద్దిగా కీళ్ళనొప్పులు ఎక్కువవుతుంటాయి. దీనివలన చిన్నచిన్నపనులు చేయాలన్నా కాళ్ళలో నొప్పులు, తిమ్మిర్లు పెరిగిపోతాయి. దీనికి కారణం న్యూట్రియంట్స్,విటమిన్లు లోపం. ఒకేచోట కూర్చుని పనిచేయడం వలన కూడా వెన్ను ,కీళ్ళ నొప్పులు తీవ్రమవుతాయి. ఈ నొప్పులు తక్కువగా ఉంటే వాటికవే తగ్గిపోతాయి. కానీ ఈ నొప్పి ఎక్కువగా వస్తుంటే పనిచేయడానికి చాలా ఇబ్బందిగా ఉంటుంది. అందుకే ఈ నొప్పులను నిర్లక్ష్యం చేయకండి. ఈ నొప్పులు పెరిగేకొద్దీ మరెన్నో అనారోగ్య సమస్యలకు దారితీయొచ్చు. వీటిని తగ్గించడానికి రెండు ఆయుర్వేద చిట్కాలను ఇప్పుడు తెలుసుకుందాం.
ఇందులో ఒకటి శరీరం లోపలి నుండి నొప్పులను తగ్గించే పని చేస్తుంది. మరొకటి శరీరం బయట నుంచి నొప్పులను తగ్గిస్తుంది. ఇలాంటి సమస్యతో బాధపడే వారు ఈ ఇంటి చిట్కాలు తప్పక పాటించాలి. ఈ చిట్కా తయారుచేసుకోవడానికి మనకు కావలసింది 5 డ్రై ప్లమ్స్ అంటే ఆల్ బకరా పండ్లు ఎండినవి. ఏదైనా కిరాణా షాప్లో లేదా ఆన్లైన్ షాప్ లో కూడా ఇప్పుడు అన్నిరకాల పండ్లు ఎండినవి అందుబాటులో ఉంటాయి. వీటివలన ఎముకలు బలంగా తయారవుతాయి.ఇందులో ఫ్లవనాయిడ్స్, మినరల్స్ పుష్కలంగా ఉంటాయి. ఇవి ఎముకల బలహీనతను తగ్గిస్తాయి. కీళ్ళనొప్పులు ఎదుర్కోవడంలో సహాయపడతాయి.
ఇందులో ఫైబర్ చాలా ఎక్కువగా ఉంటుంది. ఇది శరీరంలో మలబద్దకం,గ్యాస్ సమస్యలు తగ్గిస్తుంది. మరొక పదార్థం డ్రై ఆఫ్రికాట్. వీటిని తెలుగులో జలధార లేదా పొడి నేరేడు పండు(డ్రై బెర్రీస్) అంటారు. ఇది కూడా ఆన్లైన్లో దగ్గరిలోని పచారి షాపులో అందుబాటులో ఉంటాయి. ఇందులో యాంటీఆక్సిడెంట్స్ , ఫైబర్ ఉంటాయి. ఇందులో ఎక్కువగా ఉండే యాంటీ ఆక్సిడెంట్స్ రోగనిరోధక శక్తిని పెంచుతాయి. కంటిచూపును కూడా మెరుగుపరుస్తాయి. గుండె ఆరోగ్యాన్ని కాపాడటానికి దోహదపడతాయి. వెన్నులో, కాళ్లలో వచ్చే నొప్పులను తగ్గిస్తాయి. చర్మాన్ని కాంతివంతంగా చేయడానికి కూడా ఉపయోగపడతాయి.
ఇప్పుడు తీసుకున్న పదార్థాలు రోజు క్రమం తప్పకుండా తీసుకుంటే శరీరంలో నొప్పులు తగ్గించడమే కాకుండా మరెన్నో ఆరోగ్య ప్రయోజనాలను చేకూర్చుతాయి. వీటిని బాగా నమిలి తినాలి.ఇలా రోజు పడుకునే అరగంట ముందు వీటిని బాగా నమిలి తినాలి. వీటి వలన శరీరంలో బలం చేకూరి నొప్పులను ఎదుర్కొనే శక్తి వస్తుంది. వీటి వలన ఎటువంటి దుష్ప్రభావాలు ఉండవు. ఇప్పుడు రెండో చిట్కా కోసం మనకి కావలసింది ఆవాల నూనె కోసం ఆడించినప్పుడు వచ్చే తెలగ పిండి. దీనిని ఆవచెక్క అంటారు. ఇది కూడా ఆన్లైన్లో లేదా ఆయుర్వేద షాపుల్లో అందుబాటులో ఉంటుంది. తర్వాత కావలసింది స్వచ్ఛమైన పసుపు.
ఆవనూనె కూడా తీసుకుని అందులో ముందుగా ఆవచెక్కని రాత్రి పూట నీటిలో వేసి నానబెట్టాలి ఉదయాన్నే ఆ నీటిని వడగట్టి మెత్తగా నాని ఉన్న ఈ ఆవ చెక్కని లేదా పిండిని పొయ్యి మీద గిన్నె పెట్టి అందులో రెండొందల గ్రాముల ఆవనూనె వేసి వేడెక్కాక అందులో ఈ పిండి వేయాలి. తర్వాత పావుస్పూన్ పసుపు వేసి ఉడికించాలి. ఇది హల్వాలా కొంచెం ఉడికాక స్టవ్ ఆపేయాలి. ఈ పేస్ట్ ను రెండు విధాలుగా వాడుకోవచ్చు ఒక గుడ్డలో కట్టి కొంచెం వేడి వేడిగా ఉన్నప్పుడు నొప్పి ఉన్నచోట కాపడం పెట్టుకోవచ్చు. రెండోది పైపూత . నొప్పి ఉన్న చోట ఈ పేస్ట్ని పైపూతగా పూసి ఏదైనా గుడ్డతో కట్టుకట్టాలి. ఈ పేస్ట్ ఒక్కసారి తయారుచేసుకొని వారం వరకు వాడుకోవచ్చు. ఇలా క్రమం తప్పకుండా ఆప్రికాట్, ప్లమ్ తింటూ ఆవపిండి ఉపయోగించడం వలన నొప్పులు త్వరగా తగ్గిపోతాయి.