దంతాల ఆరోగ్యానికి కొన్ని చిట్కాలు.

పంటి కింద రాయి, కంటిలో నలుసు లాగా పంటి నొప్పి కూడా మనల్ని హింసిస్తుంది. తిననివ్వదు, తగానివ్వదు, పడుకొనివ్వదు కనీసం ఏడవాలన్నా లాగిపడేసే నొప్పికి విలవిల్లడతాం. ప్రస్తుతం దంత సమస్యలతో డాక్టర్లను సంప్రదించేవారు ఎక్కువయ్యరు అయితే సమస్య చిన్నగా ఉన్నపుడు ఇలా చేస్తే డాక్టర్ అవసరం లేదు. కింద చిట్కాలు పాటించండి మరి.

లవంగం

లవంగంలోని రసాయన సమ్మేళనాలైన, యూజీనాల్ తేలికపాటి మగతను కలిగిస్తుంది..  ఇది దంతంలోని నరాలను తిమ్మిరి చేయడానికి సహాయపడుతుంది మరియు నొప్పి నుండి ఉపశమనం ఇస్తుంది.

పంటి నొప్పి నుండి ఉపశమనం పొందడానికి మీరు మొత్తం లవంగం, లేదా లవంగా నూనెను ఉపయోగించవచ్చు..  నొప్పి ఉన్న పన్ను మీద లవంగం ఉంచి, దాని నూనెను విడుదల చేయడానికి కొంచెం నమలండి, లేదా లవంగం నూనెను చిన్న కాటన్ బాల్ పై రెండు చుక్కలు వేసి నొప్పి ఉన్న దంతంపై ఉంచాలి. ఇలా చేయడం వల్ల నొప్పి నుండి ఉపశమనం లభిస్తుంది.

 లవంగం నూనెను ఉపయోగిస్తున్నప్పుడు  జాగ్రత్తగా ఉండాలి.  నొప్పి ఉన్న  ప్రాంతంలో నేరుగా దీన్ని పూయడం వల్ల కొన్నిసార్లు నొప్పి మరింత తీవ్రమవుతుంది. అందుకే కాటన్ బాల్ ను వాడటం ఉత్తమం. 

ఉప్పు నీటితో పుక్కిలించడం

ఉప్పునీటి తో నోటిని పుక్కిలించడం సులభమైన మరియు తొందరగా ఉపశమనాన్ని ఇచ్చే సహజ చిట్కా.  ఉప్పునీరు సహజ క్రిమిసంహారక మందుగా పనిచేస్తుంది మరియు మీ దంతాల మధ్య చిక్కుకున్న ఆహార పదార్థాలు మరియు బాక్టీరియ ను తొలగించడానికి సహాయపడుతుంది.  నోటి గాయాలను నయం చేయడానికి కూడా సహాయపడుతుంది.

ఒక గ్లాసు గోరువెచ్చని నీటిలో 1/2 టీస్పూన్ టేబుల్ ఉప్పు కలిపి  మౌత్ వాష్ గా వాడాలి. దీనివల్ల ప్రాథమిక దశలో ఉన్న పంటి సమస్యలు  నయమవుతాయి.

ఐస్ పాక్

సన్నని వస్త్రంలో కొన్ని  ఐస్ క్యూబ్స్ వేసి దవడ లరాంతంలో నొప్పి ఉన్న బాహ్య ప్రాంతంలో కాపడం పెట్టాలి.  నరాల తిమ్మిరి మరియు నొప్పి నుండి ఉపశమనం ఇస్తుంది.  పంటి నొప్పి వాపుతో ఉన్నప్పుడు ఐస్ ప్యాక్ ముఖ్యంగా సహాయపడుతుంది. చల్లదనం వాపును తగ్గిస్తుంది మరియు నొప్పిని అణిచివేస్తుంది

ఏదైనా కారణం వల్ల దంతాలను తొలగించినపుడు కూడా, నరాల చివరలను చల్లబరచడానికి మరియు నొప్పిని తగ్గించడానికి చల్లని ఆహారాలు ఉండాలని సలహా ఇస్తారు.

వెల్లుల్లి

వెల్లుల్లిలో యాంటీబయాటిక్ లక్షణాలు  ఉండటం వల్ల పంటి నొప్పికి గొప్పగా పనిచేస్తుంది.  కొంచెం వెల్లుల్లి చూర్ణం చేసి ఒక స్పూన్ ఉప్పు మరియు నల్ల మిరియాల పొడి వేసి కలపాలి..  ఈ మిశ్రమాన్ని నేరుగా నొప్పి ఉన్న ప్రాంతంలో పంటి మీద ఉంచాలి. .  పంటిలో ఉన్న నొప్పిని కలుగజేసే బాక్టీరియా మరియు బలహీనమైన నరాలకు దృఢత్వాన్ని చేకూర్చి నొప్పిని తగ్గేలా చేస్తుంది.

చివరగా…..

దంతాల సమస్య రావడానికి ముందే దంతాల ఆరోగ్యాన్ని కాపాడుకోవడం ఉత్తమం. ఉత్తరేణి, వేప మొదలైన పుల్లలతో దంతాలను శుభ్రం చేసుకోవడం. దంతాలకు హాని కలిగించే అతి చల్లని మరియు అతి వేడి పదార్థాలకు దూరంగా ఉండటం ఉత్తమం.