శరీరంలో అంతర్గత అవయవాలలో ముఖ్యమైనది కాలేయం ఒకటి. శరీరంలో అనేవందల పనులను కాలేయం చేస్తుంటుంది. కాలేయం దెబ్బతింటే చాలా భయంకరమైన వ్యాధులు వస్తాయి. కాలేయం దెబ్బతినడానికి ముఖ్యకారణాలు జ్వరం, జలుబు వంటి వ్యాధులకు డాక్టర్ సలహా లేకుండా చాలామంది షాపులు నుండి తెచ్చిన మందులు వాడేస్తుంటారు.
అంతేకాకుండా కొంతమంది అధికంగా మద్యంతాగడం, జంక్ ఫుడ్, ఒత్తిడి, మానసిక ఆందోళనలు కాలేయం మీద ప్రభావం చూపిస్తాయి. లివర్ ఆరోగ్యాన్ని మనం నిర్లక్ష్యం చేస్తే జీర్ణవ్యవస్థలో కీలక మార్పులు వచ్చి శరీరవ్యవస్థ మొత్తం దెబ్బతింటుంది. మన వంటగదిలోనే ఉండే కొన్ని ఆహార వస్తువులతో మన లివర్ని క్లీన్ చేసుకోవచ్చు. ఆ వస్తువులతో లివర్ని డీటాక్స్ చేసి ఆరోగ్యం కోసం తీసుకోవలసిన జాగ్రత్తలు ఏమిటో తెలుసుకుందాం.
ఇలా కాలేయాన్ని శుభ్రపరచడానికి మనం తీసుకోవలసింది సొరకాయ(ఆనపకాయ). సొరకాయ అంటే చాలా మంది తినడానికి ఇష్టపడరు. సొరకాయ లో కాల్షియం, ఫాస్పరస్, జింక్, విటమిన్ సి, బీ కాంప్లెక్స్ వంటి అనేక ఖనిజాలు ఉంటాయి.
అలాగే ఫైబర్ అధికంగా ఉండి జీర్ణవ్యవస్థను కాపాడుతూ ఉంటుంది. సొరకాయలో శరీరానికి చల్లదనాన్ని ఇచ్చే గుణాలు అధికం. జీర్ణం కావడంలో సొరకాయ సహాయపడి యూరినరీ ఇన్ఫెక్షన్లు తగ్గిస్తుంది. సొరకాయ వలన లివర్లో వాపును తగ్గించి అనారోగ్యాలు తగ్గిస్తుంది.
తర్వాత కొత్తిమీర కూడా లివర్, కిడ్నీ సంబంధ వ్యాధులు నివారిస్తుంది. కిడ్నీ, లివర్లను శుభ్రం చేసి వాపు,నొప్పులను తగ్గిస్తుంది.
సొరకాయ మరియు గుప్పెడు కొత్తిమీర, కొంచెం నీరు కలిపి మిక్సీ పట్టి జ్యూస్లా తయారు చేయాలి.
తర్వాత తీసుకోవాల్సింది పసుపు. పసుపు మంచి యాంటీబయోటిక్గా పనిచేసి శరీరం మొత్తాన్ని శుభ్రం చేస్తుంది. కాలేయంలో ఏర్పడిన విషపదార్థాలను బయటకు పంపించి కాలేయం శుభ్రంచేస్తుంది.
ఇందులోనే అరచెక్క నిమ్మరసం మరియు కొంచెం బ్లాక్ సాల్ట్ కలిపి తాగాలి. నల్ల ఉప్పు లేకపోతే రాళ్ళ ఉప్పు ,కిచెన్ సాల్ట్ వాడుకోవచ్చు. ఈ జ్యూస్ పరగడుపున తాగాలి. ఇది తాగిన వెంటనే ఏమీ తినకూడదు. లేదా బ్రేక్పాస్ట్ చేసిన అరగంట తర్వాత తాగాలి. ఈ జ్యూస్ కాలేయాన్ని శుభ్రపరచడంలో అద్బుతంగా పనిచేస్తుంది.
ఇదేకాకుండా కిస్మస్, ఎండుద్రాక్షని నీటిలో మరగబెట్టి పరగడుపున తాగినా కూడా కాలేయం శుభ్రపడుతుంది. గ్రీన్ టీ, ఆపిల్ సిడార్ వెనిగర్ కూడా నాచురల్ గా లివర్ ను శుభ్రపరచడంలో సహాయపడుతాయి. వారంలో ఒకసారైనా పాలకూర, బీట్రూట్ కివీ,ఆరెంజ్ వంటి విటమిన్ సి పుష్కలంగా ఉండే ఆహారం తీసుకోవడంవలన కాలేయ ఆరోగ్యాన్ని రక్షించుకోవచ్చు.