మారేడు పండు పోషకాలు గురించి తెలిస్తే మీరు ఖచ్చితంగా ఆశ్చర్యపోతారు. ఆ మహాశివుని పూజకు మారేడు ఉపయోగిస్తారు. వీటినే బిల్వ దళాలు అని కూడా అంటారు. లక్ష్మీదేవి తపస్సు వలన మారేడు చెట్టు పుట్టింది. అందుకే లక్ష్మీదేవిని బిల్వనిలయాయై అని పిలుస్తారు. ఆ చెట్టు కాయలను మారేడు కాయలు అంటారు. ఈ ఫ్రూట్ ను ఇంగ్లీష్ లో బేల్ ఫ్రూట్ అని పిలుస్తారు. ఈ పండు వాసన చాలా ఆహ్లాదకరంగా ఉంటుంది. మారేడు పండు శరీరానికి చల్లదనాన్ని ఇస్తుంది. మారేడు పండు మంచి విరోచనకారి. దీనిని పచ్చిగా కూడా తినవచ్చు లేదా జ్యూస్ రూపంలో తాగవచ్చు.
ఈ కాయను కట్ చేసి నీడలో ఆరబెట్టి దంచి పొడి చేసి కూడా వాడవచ్చు. అసలు ఈ పండులో ఏముంది అని మీకు సందేహం రావచ్చు. అంతర్జాతీయ పరిశోధనలు ఈ పండు యొక్క ప్రయోజనాలను వెలికి తీసాయి. దీని యొక్క ఔషధ గుణాలు, పోషకాలు తెలుసుకొని ఆశ్చర్యపోయారు. మారేడు పండులో విటమిన్ ఏ, విటమిన్ సి పుష్కలంగా ఉంటాయి. ఇవి మంచి యాంటీ ఆక్సిడెంట్స్. పైసా ఖర్చు లేకుండా ప్రకృతి మనకు మారేడు అందించే పోషకాలు ఇవి.
ఫుడ్ సైన్స్ అండ్ న్యూట్రిషన్ పరిశోధన ప్రకారం 100 గ్రాముల మారేడు ఫలం లో 88 కేలరీలు, 1.8 గ్రాముల ప్రోటీన్, 31.8 గ్రాముల కార్బోహైడ్రేట్స్, 1.1 గ్రాముల హిమోగ్లోబిన్, 4.3 గ్రాముల ఫైబర్ ఉంటాయి. ఈ పోషకాలు మన శరీరానికి చాలా అవసరం. ప్రశాంత వాతావరణంలో ఉన్న మారేడు చెట్టు దగ్గరకు వెళ్లి ఆకులను సేకరించాలి. పక్షవాతానికి మారేడు చెట్టు ఆకులు చాలా బాగా పనిచేస్తాయి. అది ఎలాగో తెలుసుకుందాం. మారేడు కాయను సన్నగా ముక్కలుగా కట్ చేసి పెట్టుకోవాలి. అలాగే ఆకులను కూడా కట్ చేసి పెట్టుకోవాలి. ఎండు ఖర్జూరాలను కూడా తెచ్చుకోవాలి.
ఎండు ఖర్జూరాలలోని విత్తనాలు తీసి ఖర్జూరాన్ని ఎండబెట్టుకోవాలి. ఎండిన మారేడు ఆకులు 100 గ్రాములు, మారేడుకాయ 100 గ్రాములు, పటికబెల్లం 100 గ్రాములు, ఖర్జూరాలు 100 గ్రాములు తీసుకోవాలి. ఈ నాలుగింటిని దంచి చూర్ణం చేసుకోవాలి. ఈ చూర్ణాన్ని ఒక గాజు సీసాలో నిల్వ చేసుకోవాలి. ఒక గ్లాసు ఆవు పాలు వేడి చేసి అందులో స్పూన్ ఈ చూర్ణాన్ని కలిపి తీసుకోవాలి. ఈ చూర్ణం శరీరంలో వేడిని తీసేస్తుంది. ప్రేగులను శుభ్రపరుస్తుంది. ప్రేగులను బలంగా తయారు చేస్తుంది. బాగా పండిన మారేడు పండు విరేచనకారిగా పని చేస్తే సగం పండిన మారేడు పండు విరోచనాలు తగ్గించడానికి ఉపయోగపడుతుంది.
జిగట విరోచనాలు అవుతున్నప్పుడు ఈ పండు తీసుకుంటే వెంటనే ఉపశమనం ఉంటుంది ఈ కాయను గుండ్రంగా కట్ చేసి నీడలో ఆరబెట్టి పొడి చేసి పెట్టుకొని వాడుకుంటే ఇందులో ఉండే యాంటీఆక్సిడెంట్స్ క్యాన్సర్ వంటి రోగాలను రాకుండా అడ్డుకుంటాయి. మారేడుకాయ క్యాన్సర్ కణాలను అడ్డుకోవడంలో చాలా బాగా సహాయపడుతుంది. ఇందులో యాంటీ బ్యాక్టీరియల్, యాంటీ ఇన్ఫ్లమేటరీ గుణాలు పుష్కలంగా ఉంటాయి. ఇవి ఇన్ఫెక్షన్పై పోరాడి డయేరియా, కలరా వంటి వ్యాధులు రాకుండా చేస్తాయి. మారేడు గుజ్జులా తిన్నా లేదా పండుని పొడిలా చేసుకుని వాడుకున్నా అనేక రకాల వ్యాధులను దూరంగా ఉంచడంలో తోడ్పడుతుంది.