tonsillitis home treatment telugu

టాన్సిల్స్ సమస్యనా?? ఈ చిట్కాలు పాటిస్తే తొందరగా మాయం

టాన్సిల్స్ ప్రతి ఒక్కరికి గొంతు భాగంలో ఇరువైపులా చిన్న కండల్లా ఉంటాయి. ఇవి మనం తీసుకునే ఆహారంలో దుమ్ము ధూళి,సూక్ష్మ క్రీములు,  బాక్టీరియా, వంటి హానికరమైనవి కడుపులోకి వెళ్లకుండా గొంతులోనే అడ్డుకుంటాయి. అయితే కలుషితమైన ఆహారం తీసుకోవడం వల్ల  ఈ టాన్సిల్స్ ఇన్ఫెక్షన్ కు గురయ్యి చాలా ఇబ్బంది పెట్టేస్తాయి. ముఖ్యంగా పెద్దలకంటే పిల్లల్లోనే ఈ సమస్య ఎక్కువగా కనిపిస్తుంది. కారణం పిల్లలు చిరుతిల్లు, మరియు బయట స్కూల్స్ వద్ద స్కూల్స్ నుండి వచ్చేదారిలో ఏదైనా పదార్థం కనబడితే కొనేసి తింటూ ఉంటారు. ఈ టాన్సిల్స్ గొంతుకు ఇరువైపులా ఎర్రగా వాపును కలుగజేసి ఆ నొప్పిని క్రమంగా చెవికి మరియు అక్కడి నుండి మెదడుకు కూడా విస్తరించే అవకాశం ఉంటుంది. కాబట్టి టాన్సిల్స్ వస్తే అశ్రద్ధ చేయడం వలదు. అయితే చాలా మంది టాన్సిల్స్ కు ఆపరేషన్ మాత్రమే మార్గం అనుకుంటారు. చిన్న చిన్న చిట్కాలతోనే  ఈ సమస్యకు చెక్ పెట్టవచ్చు. అవేంటో ఒకసారి చూద్దామా….

చిట్కాలు- జాగ్రత్తలు

◆టాన్సిల్స్ ఉన్నపుడు ఎక్కువగా నమిలే శ్రమ ఉన్న ఆహారానికి దూరంగా ఉండాలి. అలాగే మృదువైన మెత్తని పదార్థాలు తీసుకోవాలి. దీన్ని ఫాలో అయితే టాన్సిల్స్ ను నివారించుకోవడంలో సగం విజయం సాదించినట్టే.

◆నొప్పిని ఇంకా పెంచే పులులు, ఉప్పు, కారం, మసాలా తో కూడిన పదార్థాలు తీసుకోకూడదు.

◆మెత్తగా వండిన అన్నం తీసుకోవడం వల్ల కడుపు కాల్చుకునే పని లేకుండా సమస్యను మెల్లిగా తగ్గించుకోవచ్చు.

◆వీలైతే గోరువెచ్చగా సూప్ లు తయారుచేసుకుని తాగడం వల్ల టాన్సిల్స్ తగ్గడానికి తోడ్పడటమే కాకుండా ఆరోగ్యాన్ని చేకూరుస్తుంది. ఈ సూప్ లిస్ట్ లో కొత్తిమీర, పుదీనా, పాలకూర సూప్ లు అయితే ఇంకా ఎక్కువ ప్రయోజనం చేకూరుస్తాయి.

◆మెత్తగా ఉడికించిన బందళాదుంప తీసుకోవడం కూడా చక్కని మార్గం.దీన్ని అన్నంతో మృదువుగా కలిపి తీసుకోవచ్చు. ఇంకా కారం ఎక్కువ వేయని టమాటా చారు లాంటివి అన్నంలో బాగా కలిపేసి మెల్లిగా తాగేయచ్చు కూడా.

◆స్పూన్ అల్లం రసంలో రెండు స్పూన్ల తేనె కలిపి తీసుకోవడం వల్ల టాన్సిల్స్ వాపు తగ్గించి తొందరగా తగ్గడంతో సహాయపడుతుంది. అల్లం మంచి యాంటీ బాక్టీరియల్ గా పనిచేస్తుందనే విషయం అందరికి తెల్సినదే.

◆తేనెలో మిరియాల పొడి కొద్దిగా కలిపి తీసుకోవడం వల్ల టాన్సిల్స్ చాలా తొందరగా తగ్గుతాయి. 

◆ఒక గ్లాస్ లో గోరువెచ్చని నీటిలో నిమ్మరసం మరియు, అల్లం రసం కలిపి తీసుకోవడం వల్ల వాపు నెమ్మదించి తగ్గిపోతుంది. అలాగే తేనె నిమ్మరసం కూడా ఉపయోగించవచ్చు.

◆టాన్సిల్స్ ఉన్నపుడు మెత్తని పదార్థాలు ఆహారంగా తీసుకోవాలి. ఇడ్లి, దోస, ఎగ్ ఆమ్లెట్, మెత్తగా వండిన అన్నం, ఇంకా పెరుగు అన్నం తీసుకోవచ్చు అయితే పెరుగును చల్లగా ఉన్నపుడు తినకూడదు.

◆పెద్దలు చెప్పే చక్కని చిట్కా చింతకాయ పచ్చడి. పాత చింతకాయ పచ్చడిని  మెత్తగా వండిన అన్నంలో వేసుకుని కొద్దిగా నెయ్యి కలిపి తినడం వల్ల టాన్సిల్స్ తొందరగా బలాదూర్ అవుతాయి.

◆కూల్ డ్రింకులు, ఐస్ క్రీములు, చల్లని నీళ్లు, ఫ్రిజ్ లో నుండి అపుడే బయటకు తీసిన చల్లని పదార్థాలు మొదలైనవాటికి దూరంగా ఉండాలి. 

చివరగా

పైన చెప్పుకున్న జాగ్రత్తలు, చిట్కాలు పాటిస్తూ ఉంటే టాన్సిల్స్ సమస్య చిటికెలో మాయం.

Leave a Comment

Scroll back to top
error: Content is protected !!