సిరా కాయలు. నీలంగా, చిన్నగా ఉండే ఈ మొక్క గురించి అందరికీ తెలిసే ఉంటుంది. చిన్నతనంలో ఈ కాయలను నలిపి వీటి వలన వచ్చే రంగుతో రాసుకుంటూ ఉండేవారు. వీటిని పండ్లను తినడం వలన నాలుక నీలం గా మారితే అది చూసి సంతోషపడే వారు. అలాంటి ఈ చెట్టు ఆకులు, కాయలు అనేక ఆయుర్వేద ఔషధ గుణాలను కలిగి ఉన్నాయి అని చాలా మందికి తెలీదు. వీటిని ఉపయోగించి అనేక రకాల వ్యాధులను తగ్గించుకోవచ్చు.
ఈ చెట్టు ఫిలంథస్ రెక్టికులస్ జాతికి చెందినది. దీనిని ఫిలాంథస్ రెక్టికులస్ అంటారు. దీనికి తెలుగులో సిరా కాయలు, పురుగుడు చెట్టు, నల్ల పురుగుడు చెట్టు, ఇంకు కాయలు చెట్టు వంటి అనేక పేర్లు ఉన్నాయి. ఇంగ్లీషులో దీన్ని పొటాటో బుష్, సోర్ క్రీపర్ అని పిలుస్తారు. ఈ చెట్టు పువ్వులు బంగాళదుంప వాసన రావడం వల్ల పొటాటో బుష్ అంటారు. ఈ చెట్టు యొక్క పండ్లు పుల్లటి ద్రాక్షను పోలిన రుచిని కలిగి ఉంటాయి.
నోటి దుర్వాసన తొలగించుకోవడానికి పళ్ళు చిగుళ్ళు వాపు, నొప్పి తగ్గించుకోవడానికి ఈ చెట్టు ఆకులు నీటిలో మరిగించి ఆ నీటిని పుక్కిలించి ద్వారా నోటి దుర్వాసనను తొలగించుకోవచ్చు. అలాగే ఈ చెట్టు యొక్క కాండంతో దంతధావనం చేయడం ద్వారా పళ్ళను ఆరోగ్యంగా చేసుకోవచ్చు. ఈ కాండంతో పళ్ళను తోమడం మన పూర్వీకులు చేసేవారు. ఈ చెట్టు ఆకులను ఎండబెట్టి పొడి చేసి ఉప్పు కలిపి పళ్ళపొడిలా ఉపయోగిస్తూ దంతధావనం చేయడంవలన పంటి నొప్పి, పంటి సమస్యలు తగ్గి పళ్ళు తెల్లగా మెరుస్తూ ఉంటాయి.
నోటి పూత సమస్య ఉన్నవారు ఈ చెట్టు ఆకులను నమలడం ద్వారా నోటిపూతను తగ్గించుకోవచ్చు. అలా చేయలేని వారు ఆకులను, బెరడును తీసుకుని నీటిలో మరిగించి రోజుకు నాలుగైదు సార్లు ఈ కషాయంతో నోటిని పుక్కిలించడం ద్వారా నోటి పూత సమస్య పూర్తిగా తగ్గించుకోవచ్చు. నాలుక పగుళ్లు, పెదవుల పగుళ్లకు ఈ ఆకులు చాలా బాగా పనిచేస్తాయి. ఆకుల రసాన్ని నోటిలో ఉంచుకొని కొంతసేపటి తర్వాత ఊసివేయడం వలన నాలుక పగుళ్లు తగ్గించుకోవచ్చు.
అలాగే పెదవులు పగిలినప్పుడు ఆకుల రసాన్ని రోజుకు రెండు మూడు సార్లు అప్లై చేయడం వల్ల పెదవులు పగుళ్ళు, పెదవులు చివర్లో వచ్చే పుండ్లు తగ్గించుకోవచ్చు ఈ చెట్టు ఆకులు విరేచనాలు మరియు మూలాలను ఉబ్బసం కోసం ఉపయోగిస్తారు. మొక్క యొక్క పండు వాపులో ఉపయోగించబడుతుంది. ఫైలాంథస్ రెటిక్యులాటస్ యాంటీ డయాబెటిక్, యాంటీవైరల్, యాంటీకాన్సర్, యాంటీప్లాస్మోడియల్, హెపాటోప్రొటెక్టివ్, యాంటీ బాక్టీరియల్ మరియు యాంటీ ఇన్ఫ్లమేటరీ కార్యకలాపాలను కలిగి ఉంటుందని నిరూపించబడింది.