అధిక కొవ్వు శరీరంలో కొన్ని చోట్ల పేరుకుపోయి మన రూపాన్ని వికారంగా మార్చేస్తూ ఉంటుంది. ఆ కొవ్వు పొట్ట, తొడలు, పిరుదులు చేతులలో చేరి రూపాన్నే కాదు ఆరోగ్యాన్ని పాడుచేస్తుంది. బరువు తగ్గడంకోసం విన్న ప్రతీ డైట్ ఫాలో అవడం, యోగాలు వ్యాయామాలు ప్రయత్నించి మధ్యలో వదిలేయడం చేస్తుంటాం. దానివలన ఎటువంటి ప్రయోజనం ఉండదు. అధికబరువును తగ్గించుకోవడానికి ఇంట్లోనే కొన్ని చిట్కాలు పాటిస్తూ పొట్టచుట్టూ చేరిన కొవ్వును మంచులా కరిగించొచ్చు. దీనికోసం ఎలాంటి డైట్ చేయనవసరం లేదు. మన వంటఇంట్లో ఉండే వెల్లుల్లి చాలా బాగా పనిచేస్తుంది. దీనికోసం ఏడువెల్లుల్లి రెబ్బలను తీసుకోవాలి. ఏడు వెల్లుల్లి రెబ్బలు ఒకేసారి తినాలా అని భయపడుతున్నారా. ఒకరోజుకి ఒక వెల్లుల్లి రెబ్బను మాత్రమే తినాలి.
అయితే పచ్చి వెల్లుల్లి వాసన అందరికీ పడదు. అలాగే పచ్చిగా తినలేము. అందుకే కొంచెం వెల్లుల్లిని డ్రై రోస్ట్ చేసుకోవాలి. అందువల్ల నమిలి తినగలం. వెల్లుల్లిలో యాంటీ బాక్టీరియల్, యాంటీ వైరల్ గుణాలు అధికంగా ఉంటాయి. ఇవి శరీర మెటబాలిజం రేటును పెంచుతాయి. మెటబాలిజం బాగుంటే తిన్న ఆహారాన్ని శరీరం ఎనర్జీగా మార్చుకుంటుంది. కొవ్వుగా మారకుండా అడ్డుకుంటుంది. వెల్లుల్లి ఎన్నో వ్యాధుల బారినుండి రక్షిస్తుంది. అధికబరువును తగ్గించి తీరుతుంది. కాన్సర్ తో పోరాడుతుంది. రక్తపోటు సమస్యను తగ్గిస్తుంది. రక్తనాళాల్లో ఏర్పడిన గడ్డలను నివారిస్తుంది. అంటే ధమనుల్లో రక్తప్రసరణను సాఫీగా జరిగేలా చేస్తుంది. ధమనుల్లో రక్తప్రసరణ సరిగా జరగకుంటే గుండెవ్యాధిగ్రస్తులకు ప్రమాదం. అందుకే గుండెవ్యాధులు ఉన్నవారు రోజుకొక వెల్లుల్లి రెబ్బను తింటే మంచిది. రోగనిరోధక శక్తిని పెంచుతుంది. శరీరాన్ని రోగాలతో పోరాడేలా చేస్తుంది. శరీరాన్ని డీటాక్స్ చేసి విషపదార్థాలు లేకుండా చేస్తుంది. వ్యర్థాలను బయటకు పంపడంలో వెల్లుల్లి బాగా పనిచేస్తుంది.
వెల్లుల్లిని తీసుకోవడానికి గోరువెచ్చని నీటిని తీసుకోవాలి. టీ తాగేటప్పుడు ఎంత వేడి ఉంటుందో అంతవేడిగా ఉండేలా నీటిని తీసుకోవాలి. ఏడురోజులు వెల్లుల్లిని తీసుకుంటే సరిపోతుంది. పైన పొట్టు తీసి వెల్లుల్లిని కొద్దిగా వేయించి నమిలి తర్వాత వేడినీటిని తాగాలి. ఎప్పుడైనా అతి ప్రమాదకరం.అందుకే రోజుకి ఒకటి మాత్రమే తీసుకోవాలి. లేదంటే శరీరంలో వేడి చేస్తుంది. మితంగా తినడంవలన శరీరంలో కొవ్వు కరిగిపోతుంది. కావాలనుకుంటే వేడినీటిలో తేనె, నిమ్మరసం కలిపి తీసుకోవచ్చు. ఇలా తాగడంవలన వచ్చే ఫలితాలు చూసి మీరే ఆశ్చర్య పోతారు. తేనెకు బదులు జీలకర్ర పొడిని కూడా వాడుకోవచ్చు. జీలకర్ర డ్రై రోస్ట్ చేసి పొడిలా చేయాలి. ఈ పొడిని నీటిలో కలిపి వెల్లుల్లిని నమిలి తినడంవలన కూడా మంచి ఫలితాలు ఉంటాయి. అంతేకాకుండా తీపిపదార్థాలు తినకూడదు. వీలైనంత పంచదార తినడం తగ్గించి ఆరోగ్యకరమైన ఆహారానికి మారాలి. దానితో పాటు వెల్లుల్లిని తింటే అధికబరువు సమస్య నుండి త్వరగా బయటపడొచ్చు.
మరింత సమాచారం కోసం ఈ క్రింద లింక్ చూడండి