నల్లేరు మొక్కల గురించి పల్లెటూరులో ఉండే వారికి తెలిసే ఉంటుంది. అయితే పట్టణ ప్రాంతాలలో ఉండేవారికి తెలిసే అవకాశం తక్కువ. ఈ మొక్కను చూడడానికి ఎడారి మొక్కలా ఉంటూ పల్లెటూర్లలో తాటిచెట్లు వంటి పెద్ద చెట్ల పక్కన అల్లుకొని ఉంటుంది. ఈ మొక్కను ఆషాడం సమయంలో పచ్చడి చేసుకుని తింటే ఆరోగ్యానికి మంచిదని చెబుతుంటారు. అంతే కాకుండా ఈ మొక్కలు ఎముకలు విరిగిన వారికి పుత్తూరులో పిండికట్టు కట్టించుకోవడానికి ఉపయోగిస్తారు. అయితే ఈ కాడలు ఆహారంలో తీసుకోవడం వలన బలహీనపడిన, పెలుసు బారిన ఎముకలను తిరిగి ఆరోగ్యంగా చేస్తుందని చెబుతారు. దీని శాస్త్రీయ నామం సిస్సస్ క్వడ్రాన్గలరీస్.
భారతదేశంలోని సాంప్రదాయ వైద్య పద్ధతులలో నల్లేరు శతాబ్దాలుగా ఉపయోగించబడుతోంది. ఇది నొప్పి నివారిణిగా మరియు విరిగిన ఎముకలను నయం చేయడానికి ఉపయోగిస్తారు. నిజానికి దాని అనేక పేర్లలో ఒకటి అస్థిసంహారక, ఇది ‘ఎముకల నాశనాన్ని నిరోధించేది’ అని అర్థం వస్తుంది. ఈ మొక్కను చాలా సులభంగా ఇంట్లో కూడా పెంచుకోవచ్చు. ఈ మొక్కను కాడల ద్వారా కొత్త మొక్కలను తయారు చేసుకోవచ్చు. దీనికి కొద్దిపాటి తడి ఉంటే చాలు చాలా ఈజీగా పెరుగుతుంది. ఈ మొక్కలను మితంగా తీసుకోవడం వలన ఆరోగ్యాన్ని కాపాడుకోవచ్చు.
ఈ మొక్కను వండుకొనేటప్పుడు దాని పైన ఉండే పొర తీసేసి వేడి నీటిలో కానీ మజ్జిగలో కానీ నానబెట్టి తర్వాత వండుకోవాలి. లేదంటే ఇందులో ఉండే కొన్ని రసాయనాల వలన దురద వచ్చే అవకాశం ఉంది. ఈ కాడలను లేతగా ఉన్నప్పుడు తీసుకొని పచ్చడిగా మరియు రొట్టెల పిండి వంటి వాటిలో దంచి పేస్ట్గా చేసి కలుపుతుంటారు. ఇది ఆరోగ్యానికి అనేక ప్రయోజనాలను అందించడంలో సహాయపడుతుంది.
ఇది హేమోరాయిడ్స్, గౌట్, ఆస్తమా మరియు అలెర్జీలతో సహా అనేక పరిస్థితులకు చికిత్స చేయడానికి ఉపయోగించబడుతుంది. అయితే, ఈ పవర్-ప్యాక్డ్ ప్లాంట్ ఎముకల ఆరోగ్యాన్ని పెంపొందించడం, కీళ్ల నొప్పుల నుండి ఉపశమనం పొందడం మరియు గుండె జబ్బులు, మధుమేహం మరియు స్ట్రోక్ వంటి దీర్ఘకాలిక పరిస్థితుల వంటి రోగాల నుండి రక్షించడంలో కూడా సహాయపడుతుందని ఇటీవలి పరిశోధనలో కనుగొనబడింది.